Tollywood: వరుస ఆఫర్స్‌తో దూసుకెళ్తున్న మీనాక్షి… టాప్ హీరోయిన్ అయ్యేనా?
సినిమా ఇండస్ట్రీలో హీరోలకు ఉన్నంత లైఫ్ స్పాన్ హీరోయిన్స్ కు ఉండదు. 60 ఏళ్లు పైబడినా కూడా ఇప్పటికి సినిమాలు చేస్తూ కుర్ర హీరోయిన్స్ పక్కన స్టెప్పులు వేస్తున్నారంటే స్టార్ హీరోల ఫ్యాన్ బేస్ ఏపాటిడో అర్ధం చేసుకోవచ్చు. కానీ హీరోయిన్స్ పరిస్థితి ఆలా కాదు. వరుసగా మూడు, నాలుగు సినిమాలు ఫ్లాప్ అయితే ఐరన్ లెగ్ అనే ముద్ర వేస్తారు. దాంతో వారికి అవకాశాలు లేక ఇండస్ట్రీ నుండి తప్పుకోవాల్సిన పరిస్థితి.
ఇటీవల కాలంలో తెలుగులో లేడీ సూపర్ స్టార్ పొజిషన్ ఖాళీగా ఉంది. అనుష్క తర్వాత కాజల్, సమంత కొన్నాళ్ళు ఆ ప్లేస్ భర్తీ చేసినా ప్రస్తుతం వాళ్లు సినిమాలు అరకొర మాత్రంగానే చేస్తున్నారు. కాగా అక్కినేని సుశాంత్ హీరోగా వచ్చిన ‘ఇచ్చట వాహనములు నిలుపరాదు’ చిత్రంతో తెలుగు ఇండస్ట్రీలో అడుగుపెట్టింది మీనాక్షి చౌదరి. చూస్తుంటే ఈ భామ టాలీవుడ్ లేడీ సూపర్ స్టార్ కిరీటాన్ని అందుకునేలా ఉంది.
మీనాక్షి చౌదరి ప్రస్తుతం 6 సినిమాలల్లో హీరోయిన్ గా నటిస్తుంది. వీటిలో తమిళ స్టార్ హీరో విజయ్ G.O.A.T, దుల్కర్ సల్మాన్ ‘లక్కీ భాస్కర్’, మెగాస్టార్ ‘విశ్వంభర’, విశ్వక్ మెకానిక్ రాకి, వరుణ్ తేజ్ ‘మట్కా’, వెంకీ అనిల్ రావిపూడి సినిమాలు ఉన్నాయి. ఈ చిత్రాలు హిట్ టాక్ తెచ్చుకుంటే మీనాక్షి చౌదరి టాలీవుడ్ లేడీ సూపర్ స్టార్ అనడంలో సందేహం లేదు. వీటితో పాటు మరో 2 చిత్రాలు చర్చల దశలో ఉన్నట్లు తెలుస్తుంది.
