MiG 29 fighter jet: ఆగ్రా సమీపంలో కుప్పకూలిన మిగ్‌-29 విమానం.. విచారణకు ఆదేశించిన రక్షణ శాఖ!

యూపీలోని ఆగ్రా సమీపంలో మిగ్‌- 29 యుద్ధ విమానం కుప్పకూలింది. ఈ ఘటనలో అప్రమత్తమైన పైలట్‌ కిందకు సురక్షితంగా బయటపడ్డారు. విన్యాసాల కోసం పంజాబ్‌లోని అదంపూర్ నుంచి బయల్దేరిన ఈ ఫైటర్‌ జెట్‌ ఆగ్రా వెళ్తుండగా ఈ ఘటన చోటుచేసుకుంది. కుప్పకూలిన చోట విమానం నుంచి పెద్ద ఎత్తున మంటలు చెలరేగాయి. ఈ ప్రమాదంపై విచారణకు ఆదేశించినట్లు రక్షణ శాఖ అధికారులు తెలిపారు.

గతంలోనూ ప్రమాదం!

మిగ్‌-29 విమానం ఇలా కుప్పకూలిన ఘటనలు గతంలోనూ జరిగాయి. సెప్టెంబర్‌ 2న రాజస్థాన్‌లోని బార్మేర్‌లో శిక్షణ నేపథ్యంలో మిగ్‌- 29 ఫైటర్‌ జెట్‌ కుప్పకూలింది. విమానంలో సాంకేతిక లోపం తలెత్తడంతో అప్రమత్తమైన పైలట్‌ ఆ విమానం కూలడానికి ముందే సురక్షితంగా బయటపడ్డారు.