Cyber Alert: ఈ నంబర్ల నుంచి ఫోన్ వస్తే అస్సలు లిఫ్ట్ చేయొద్దు!
సైబర్ పోలీసులు ఎంత అప్రమత్తంగా ఉన్నా, ప్రభుత్వాలు ఎన్ని కఠిన చట్టాలు రూపొందిస్తున్నా సైబర్ కేటుగాళ్లు మాత్రం రెచ్చిపోతూనే ఉన్నారు. ముఖ్యంగా సెల్ఫోన్లకు మెసేజులు పంపించడం, కాల్స్ చేయడం ద్వారా అమాయకుల బ్యాంకు ఖాతాలు, డెబిట్, క్రెడిట్ కార్డుల వివరాలను కాజేసేందుకు ప్రయత్నిస్తుంటారు. ఈ తరహాలోనే ఇటీవల కొన్ని విదేశీ నంబర్ల నుంచి ఫోన్ కాల్స్ వస్తున్నాయని, వాటి పట్ల అప్రమత్తంగా ఉండాలని హైదరాబాద్ సైబర్ క్రైమ్ పోలీసులు అప్రమత్తం చేశారు.
ఈ నంబర్లు అస్సలు లిఫ్ట్ చేయొద్దు!
+56322553736, +37052529259, +94777 455913, +37127913091, +255901130460 నంబర్ల నుంచి ఫోన్ కాల్స్ వస్తే అస్సలు లిఫ్ట్ చేయవద్దని పోలీసులు సూచించారు. ముఖ్యంగా +381 (సెర్బియా), +563 (లోవా), +370 (లిథువేనియా), +371 (లాత్వియా), +375 (బెలారస్), +255 (టాంజానియా) వంటి కోడ్ నంబర్లతో ఫోన్ రింగ్ అవుతోందని, లిఫ్ట్ చేశాక నేరగాళ్లు కాల్ హ్యాంగ్ చేస్తున్నారని, అమాయక యూజర్లు కాల్ బ్యాక్ చేస్తే కేవలం 3 సెకన్లలోనే ఫోన్లోని కాంటాక్ట్ లిస్ట్, బ్యాంక్, క్రెడిట్ కార్డుతో పాటు ఇతర వివరాలను కేవలం 3 సెకన్లలో కాపీ చేసుకునే ప్రమాదం పొంచి ఉందని హైదరాబాద్ సైబర్ క్రైమ్ పోలీసులు హెచ్చరించారు.
