![](https://pakkatelugu.com/wp-content/uploads/2024/01/WhatsApp-Image-2024-01-20-at-15.04.50_38d2a430.jpg)
AP Government: ఏపీకి పెట్టుబడుల వెల్లువ.. నాలుగున్నరేళ్లల్లోనే!
ఆంధ్రప్రదేశ్ రాష్ట్రం పారిశ్రామికంగా అభివృద్ధి పథంలో దూసుకెళ్తోంది. అధికారంలోకి వచ్చిన వైసీపీ.. కేవలం నాలుగున్నరేళ్లలో 130 భారీ ప్రాజెక్టులు ప్రారంభించి రూ.69 వేల కోట్ల పెట్టుబడులు తీసుకొచ్చింది. అంతకుముందు కోవిడ్ ప్రభావంతో రెండేళ్లు ఎదురైన తీవ్రమైన ఇబ్బందులను అధిగమించింది. ఈ మేరకు సీఎం జగన్ కనీవినీ ఎరుగని స్థాయిలో రాష్ట్రాన్ని పారిశ్రామికంగా అభివృద్ధి పథంలో నడిపిస్తున్నారు. ఇటీవల విశాఖపట్నంలో జరిగిన ‘గ్లోబల్ ఇన్వెస్ట్మెంట్ సమ్మిట్’లో ఏపీ ప్రభుత్వంతో పలు కంపెనీలు ఒప్పందాలు చేసుకున్న విషయం తెలిసిందే. ఈ సదస్సులో రూ.13.11 లక్షల కోట్లకు ఒప్పందాలు కుదిరాయి. 386 విలువైన ఒప్పందాలు ద్వారా 6 లక్షల మందికి ఉపాధి లభించే అవకాశముంది. రిలయన్స్ ఇండస్ట్రీస్ అధినేత ముఖేష్ అంబానీ రాష్ట్రంలో రూ.50 వేల కోట్ల పెట్టుబడులు పెడుతున్నట్లు ప్రకటించారు.
ALSO READ: వెంకటగిరిలో బాబు.. విజయవాడలో జగన్.. ప్రజా మద్దతు తేలిపోయిందా?
ప్రతీ ఏటా పెరుగుతున్న పెట్టుబడులు
చంద్రబాబు హయాంలో 1,93,530 ఎంఎస్ఎంఈలు ఉండగా.. 2019లో వైఎస్ జగన్ అధికారంలోకి వచ్చిన తర్వాత 3.87 లక్షల ఎంఎస్ఎంఈలు తీసుకొచ్చారు. దీంతో సుమారు 12.61 లక్షల మందికి ఉపాధి కలిగింది. అయితే ప్రతి ఏటా ఏపీలో పెట్టుబడులు పెరుగుతూ వస్తున్నాయి. 2019 అక్టోబర్ నుంచి 2020 మార్చి మధ్యలో 200.97 మిలియన్ డాలర్లు విదేశీ పెట్టుబడులు రాగా, 2020- 21లో 85.85 మిలియన్ డాలర్లు, 2021-22లో 224.96 మిలియన్ డాలర్లు, 2022- 23లో ఏకంగా 284.22 మిలియన్ డాలర్లు విదేశీ పెట్టుబడులు వచ్చాయి. కోవిడ్ ప్రభావంతో 2020-21లో మాత్రమే పెట్టుబడుల్లో క్షీణత ఉందని, తర్వాత క్రమేపీ పెరిగాయని ఆర్థికవేత్తలు వెల్లడించారు.
ALSO READ: గవర్నర్ ట్విట్టర్ అకౌంట్ హ్యాక్.. పోలీసుల చర్యలు
ఈజ్ ఆఫ్ డూయింగ్ బిజినెస్లో నంబర్ వన్..
దేశంలో పెట్టుబడులపై ‘ప్రాజెక్ట్స్ టుడే’ సర్వే ప్రకారం.. 2022–23లో రూ.7.65 లక్షల కోట్ల ఒప్పందాలతో మొదటి స్థానంలో ఏపీ ఉండగా.. రూ.4.44 లక్షల కోట్లతో గుజరాత్ రెండో స్థానంలో ఉంది. ఇక 1.58 లక్షల కోట్లతో తెలంగాణ ఏడో స్థానంలో నిలిచింది. ఏపీలో పరిశ్రమల స్థాపనకు పలు రాయితీలు ప్రకటించడంతోనే ఇది సాధ్యమైందని, రాష్ట్రాన్ని పారిశ్రామిక హబ్గా తీర్చిదిద్ధేందుకు సీఎం జగన్ కృషి చేస్తున్నారని విశాఖలో జరిగిన సదస్సులో పారిశ్రామిక వేత్తలు వెల్లడించారు. ప్రభుత్వ కృషితో ఈజ్ ఆఫ్ డూయింగ్ బిజినెస్ ర్యాంకింగ్లో దేశంలోనే ఏపీ నంబర్ -1లో నిలిచింది. ఇవే కాకుండా రూ.లక్షల కోట్ల పెట్టుబడులతో రాష్ట్ర వ్యాప్తంగా అనేక పరిశ్రమలు నిర్మాణం, ఏర్పాటు దశలో ఉన్నాయి. అయితే చంద్రబాబు, పచ్చ మీడియాలో ఏపీ పారిశ్రామిక ప్రగతిపై పచ్చి అబద్ధాలను ప్రచారం చేయడం గమనార్హం. అయితే రాష్ట్రంలో నెలకొల్పిన పరిశ్రమలు, ఎన్ని పెట్టుబడులు, ఎంత మందికి ఉద్యోగాలు లభించాయో తెలుసుకుందాం.
క్రమ సంఖ్య | కంపెనీ | పెట్టుబడి | ఉత్పత్తి | ఉపాధి |
1 | గ్రాసిమ్ ఇండస్ట్రీస్ | రూ. 861 కోట్లు | కాస్టిక్ సోడా | 1,300 |
2 | ప్యానల్ ఆఫ్టో డిస్ ప్లే టెక్నాలజీస్ | రూ.1,230 కోట్లు | టీవీ డిస్ ప్లే ప్యానల్స్ | 2,200 |
3 | ఫాక్స్ లింక్ ఇండియా ఎలక్ట్రిక్ | రూ. 1,050 కోట్లు | ప్రింటెడ్ సర్క్యూట్ బోర్డ్స్ | 2,000 |
4 | సన్నీ ఒప్పో టెక్ | రూ. 280 కోట్లు | కెమెరా మాడ్యూల్స్ | 1,200 |
5 | ఏటీసీ టైర్స్ | రూ.1,250 కోట్లు | హాఫ్ హైవే టైర్స్ | 840 |
6 | రాంకో సిమెంట్స్ | రూ.1,790 కోట్లు | సిమెంట్ | 1,000 |
7 | డిక్సన్ | రూ.127 కోట్లు | సీసీ కెమెరాలు | 1,800 |
8 | గ్రీన్ లామ్ సౌత్ | రూ. 800 కోట్లు | లామినేషన్స్ | 1,050 |
9 | ఇన్ఫోసిస్ | రూ.35 కోట్లు | ఐటీ డెవలప్మెంట్ | 1000 |
10 | యుజియా స్టైరైల్స్ ప్రైవేట్ లిమిటెడ్ | రూ.500 కోట్లు | ఫార్మా | 750 |
11 | లారస్ సింథటీస్ ల్యాబ్ | రూ.191 కోట్లు | బల్క్ డ్రగ్ | 300 |
12 | లారస్ ల్యాబ్ | రూ. 440 కోట్లు | బల్క్ డ్రగ్ | 500 |
13 | సెంచురీ ప్యానల్స్ | రూ. 1000 కోట్లు | ప్లై ఉడ్ | 2,266 |
14 | ఇంటిలిజెంట్ సెజ్ | రూ.70 కోట్లు | పాదరక్షల ఉపకరణాలు | 2000 |
15 | సెంచరీ ప్లై ఉడ్ (ఇండియా) లి. | రూ. 1600 కోట్లు | ఫ్లై ఉడ్ ప్యానెల్స్ | 2000 |
16 | ఆదిత్య బిర్లా గార్మెంట్స్ | రూ.11038 కోట్లు | గార్మెంట్స్ | 2,112 |
17 | హిల్ టాప్ సెజ్ ఫుట్ వేర్ | రూ.700 కోట్లు | ఫుట్ వేర్ | 10,000 |
18 | డిక్సన్ టెక్నాలజీస్ | రూ.108 కోట్లు | టెలివిజన్స్ | 830 |
19 | ఫాక్స్ లింక్ ఇండియా విస్తరణ | రూ.300 కోట్లు | స్యార్ట్ వాచీలు, ఇయర్ పాడ్స్ | 1200 |
20 | ఏటీసీ టైర్స్ ఫేజ్ -2 | రూ.1000 కోట్లు | టైర్ల తయారీ | 1160 |
21 | పిడిలైవ్ ఇండస్ట్రీస్ | రూ.202 కోట్లు | వాటర్ ప్రూపింగ్ ఉత్పత్తులు | 280 |
22 | మేఘా ఫ్రూట్ ప్రాసెసింగ్ | రూ.186 కోట్లు | ఆహార ఉత్పత్తులు | 677 |
23 | ఐనాక్స్ ఎయిర్ ప్రొడక్ట్స్ | రూ.145 కోట్లు | పారిశ్రామిక వాయువులు | 70 |
24 | ఆప్టిమస్ డ్రగ్స్ | రూ.125 కోట్లు | ఫార్మా న్యూటికల్స్ | 185 |
25 | విన్ విన్ స్పెషాలిటీ ఇన్సులేటర్స్ | రూ.108 కోట్లు | ఇన్సులేటర్స్ | 382 |
26 | స్టేరాక్స్ లైఫ్ సైన్సెస్ | రూ.88 కోట్లు | బల్క్ డ్రగ్ | 450 |
27 | సినాప్టిక్స్ ల్యాబ్స్ | రూ.82 కోట్లు | బల్క్ డ్రగ్ | 300 |
28 | ఇషా రిసోర్సెస్ | రూ.68 కోట్లు | కోక్ అండ్ కోల్ స్క్రీనింగ్ | 220 |
29 | అసాగో ఇండస్ట్రీస్ | రూ.270 కోట్లు | బయో ఇథనాల్ | 500 |
30 | జేఎస్ డబ్ల్యూ స్టీల్ | రూ.8,800 కోట్లు | ఉక్కు తయారీ | 2,500 |
31 | క్రిభ్కో బయో ఇథనాల్ | రూ.560 కోట్లు | బయో ఇథనాల్ | 400 |
32 | ఎకో స్టీల్ ఇండియా | రూ.540 కోట్లు | బయో ఇథనాల్ | 500 |
33 | ఎవరెస్ట్ ఇండస్ట్రీస్ | రూ.250 కోట్లు | స్టీల్ బిల్డింగ్ యూనిట్స్ | 1500 |
34 | యునైటెడ్ ఇండస్ట్రీస్ ఆటో ప్లాస్టిక్ | రూ. 225 కోట్లు | ఆటోమొబైల్ యాక్ససరీస్ | 250 |