MS Dhoni: సీఎస్కే ఫ్యాన్స్ కు సూపర్ న్యూస్.. ధోనీ రెడీ అవుతున్నాడు
భారత మాజీ కెప్టెన్ మహేంద్రసింగ్ ధోని ఐపీఎల్ 2024 కోసం అప్పుడే ప్రాక్టీస్ మొదలుపెట్టాడు. ఇటు టీమిండియాను, అటు ఐపీఎల్ లో చెన్నై సూపర్ కింగ్స్ జట్టును ధోనీ విజయతీరాలకు నడిపించిన విషయం తెలిసిందే. మోకాలి గాయం నుంచి కోలుకున్న కెప్టెన్ కూల్ ప్రస్తుతం ఐపీఎల్ కోసం సన్నద్ధమవుతున్నాడు. చెన్నై జట్టుకు ఐదు సార్లు టైటిల్ అందించిన కెప్టెన్ గా ధోని ప్రత్యేకమైన గుర్తింపును సంపాదించుకున్నాడు. ఐపీఎల్ 2023 కోసం ఇప్పటి నుంచే సన్నాహాలు ప్రారంభించాడు.
Also read: U-19 World Cup: అండర్-19 వరల్డ్ కప్ లో భారత్ సత్తా.. వరుసగా తొమ్మిదోసారి ఫైనల్ కు
తాజాగా రాంచీలోని జార్ఖండ్ క్రికెట్ అసోసియేషన్ స్టేడియంలో నెట్స్‌లో ప్రాక్టీస్ చేస్తూ కనిపించాడు. ఇందుకు సంబంధించిన వీడియో సోషల్ మీడియాలో వైరల్ గా మారింది. ఇదిలా ఉండగా.. 2023 సీజన్ తర్వాత ధోనీ ఐపీఎల్ కి గుడ్ బై చెప్పనప్పటికీ.. 2024 ఐపీఎల్ ఆడతాడా లేదా అనుమానం ఫ్యాన్స్ లో నెలకొంది. దీనికి తోడు మోకాలికి శస్త్ర చికిత్స చేయించుకోవడంతో ఐపీఎల్ ఆడటం కష్టమే అని భావించారు.
ఈ విషయంపై బెంగళూరులో జరిగిన కార్యక్రమానికి హాజరైన ధోనీ 2024 ఐపీఎల్ ఆడతాడని హింట్ ఇచ్చేశాడు. తాజాగా ప్రాక్టీస్ చేస్తూ కనిపించడంతో ధోనీ ఐపీఎల్ 2024 ఆడటం కన్ఫర్మ్ అయిపోయింది. 2008 నుంచి చెన్నై సూపర్ కింగ్స్ జట్టును వదలని ధోని ఇప్పటివరకు 5 టైటిల్స్ అందించాడు. 2023 లో గుజరాత్ జయింట్స్ ను ఓడించి ఛాంపియన్ గా నిలిచిన సూపర్ కింగ్స్.. 2024 ఐపీఎల్ లో డిఫెండింగ్ ఛాంపియన్ గా బరిలోకి దిగుతోంది.
