Fire Accident: బంగ్లాదేశ్‌లో ఘోర అగ్నిప్రమాదం.. 44 మంది మృతి
బంగ్లాదేశ్ రాజధాని ఢాకాలో ఘోర అగ్నిప్రమాదం సంభవించింది. ఏడు అంతస్తుల ఓ రెస్టారెంట్‌లో ఉన్నట్టుండి ఒక్కసారిగా మంటలు చెలరేగాయి. ఈ ప్రమాదంలో 44 మంది మృతిచెందగా, మరో 22 మంది తీవ్రంగా గాయపడ్డట్లు అక్కడి పోలీసులు తెలిపారు. నిన్న రాత్రి 9 గంటల సమయంలో ఈ ఘటన జరిగినట్లు చెప్పారు.
ALSO READ: మార్చి 3 నుంచి తెలంగాణలో ‘పల్స్ పోలియో’ కార్యక్రమం
పూర్తి వివరాలు.. ఢాకాలోని ‘కచ్చి భాయ్’ అనే ఏడు అంతస్తుల రెస్టారెంటు నిన్న రాత్రి 9 గంటల సమయంలో కస్టమర్లతో కిక్కిరిసిపోయి ఉంది. అయితే ఏమైందో తెలీదు.. ఉన్నట్టుండి ఒక్కసారిగా మొదటి అంతస్తులో మంటలు చెలరేగాయి. క్షణాల్లోనే ఆ మంటలు ఇతర అంతస్తులకూ వ్యాప్తించాయి. ప్రజలందరూ ప్రాణభయంతో పరుగులు తీశారు. భారీగా ఎత్తున వచ్చిన పొగకు అందరూ ఉక్కిరిబిక్కిరి అయ్యారు. స్థానికులు పోలీసులకు, ఫైర్ సిబ్బందికి సమాచారం అందించారు. 13 ఫైర్ సర్వీస్ యూనిట్లు అర్ధరాత్రి వరకు తీవ్రంగా శ్రమించి మంటలను అదుపు చేశారు. 75 మందిని రక్షించారు. గాయాల పాలైన వారిని స్థానిక ఆసుపత్రులకు తరలించారు. అయితే, ఈ అగ్నిప్రమాదానికి గల కారణాలు మాత్రం ఇంకా తెలియ రాలేదని, దర్యాప్తు చేస్తున్నామని అధికారులు తెలిపారు.
