Guntur Kaaram: ఓటిటిలోకి వచ్చేస్తున్న గుంటూరు కారం.. ఇంత త్వరగానా?
సూపర్ స్టార్ మహేష్ బాబు, స్టార్ డైరెక్టర్ త్రివిక్రమ్ కాంబోలో వచ్చిన లేటెస్ట్ మూవీ గుంటూరు కారం. ఫ్యామిలీ అండ్ ఎమోషనల్ ఎంటర్టైనర్ గా వచ్చిన ఈ సినిమా సంక్రాంతి కానుకగా జనవరి 12న ప్రేక్షకుల ముందుకు వచ్చింది. నిజానికి ఈ సినిమాకు మొదటిరోజు నుండే మిక్స్ డ్ టాక్ వచ్చింది. అయినప్పటికీ రికార్డ్ లెవల్లో కలెక్షన్స్ రాబట్టింది ఈ మూవీ. విడుదలైన కేవలం వారం రోజుల్లోనే ఏకంగా రూ.210 కోట్లకు పైగా వసూళ్లు రాబట్టి రీజనల్ మూవీస్ లో సరికొత్త రికార్డ్ క్రియేట్ చేసింది గుంటూరు కారం.
తాజాగా గుంటూరు కారం ఓటీటీ రిలీజ్ గురించి ఒక వార్త సోషల్ మీడియాలో వైరల్ గా మారింది. ఈ సినిమా ఓటీటీ హక్కులను ప్రముఖ ఓటీటీ సంస్థ నెట్‌ఫ్లిక్స్‌ దక్కించుకున్న విషయం తెలిసిందే. గుంటూరు కారం మేకర్స్ నెట్‌ఫ్లిక్స్‌ కుదుర్చుకున్న అగ్రిమెంట్ ప్రకారం విడుదలైన 28 రోజుల తరువాత మాత్రమే స్ట్రీమింగ్ చేయాలని డిసైడ్ ఆయారట. ఆ ప్రకారం ఫిబ్రవరి రెండో వారంలో మహేష్ గుంటూరు కారం ఓటీటీకి వచ్చే అవకాశం ఉంది. ఈ న్యూస్ తో మహేష్ ఫ్యాన్స్ తో సహా కామన్ ఆడియన్స్ కూడా హ్యాపీ గా ఫీలవుతున్నారు.
