Pre Poll Survey in AP: 2024 ఆంధ్రాలో అధికారం ఎవ‌రిది.. ఆ పార్టీలు గ‌ల్లంతేనా..?

ఆంధ్ర‌ప్ర‌దేశ్‌లో సార్వ‌త్రిక ఎన్నిక‌లు ముంచుకొస్తున్న త‌రుణంలో, రాష్ట్రంలోని ప్ర‌ధాన పార్టీల‌న్నీ గెలుపే ల‌క్ష్యంగా వ్యూహాలు ప‌న్నుతున్నాయి. గ్రాండ్ విక్ట‌రీ కొట్టి మ‌రోసారి అధికారంలోకి రావాల‌ని వెఎస్ఆర్‌సీపీ, ఈసారి ఎలాగైనా ఎన్నిక‌ల్లో గెలిచి, ప్ర‌భుత్వాన్ని ఏర్పాటు చేయాల‌ని ప్ర‌తిప‌క్షాలు పాచిక‌లు ర‌చిస్తున్నాయి.

మ‌రోవైపు ఈఎన్నిక‌ల సీజ‌న్‌లో ప్ర‌జ‌ల మూడ్‌ను స్ట‌డీ చేసేందుకు, అనేక స‌ర్వే సంస్థ‌లు రంగంలోకి దిగాయి. ఈ క్ర‌మంలో తాజాగా పోల్ స్ట్రాట‌జీ గ్రూప్ అనే సంస్థ, ఆగ‌స్ట్‌లో రాష్ట్ర‌ వ్యాప్తంగా ప్రీ పోల్ స‌ర్వే నిర్వ‌హించింది. ఈ ఏడాడి ఆగ‌స్ట్‌లో నిర్వ‌హించిన స‌ర్వేలో భాగంగా, మూడు కీల‌క‌మైన విష‌యాలను ప్రామాణికంగా తీసుకుంది ఆ స‌ర్వే సంస్థ‌.

ఓటు షేరింగ్, ప్ర‌జాద‌ర‌ణ పొందిన నాయ‌కత్వ‌ సామర్ధ్యం, పాల‌న పై సంతృప్తి అంశాలపై ఈ సర్వే జరిగింది. ఈ మూడు విష‌యాలను బేస్ చేసుకుని స‌ర్వే నిర్వ‌హించిన‌ పోల్ స్ట్రాట‌జీ గ్రూప్, వ‌చ్చిన ఫ‌లితాల‌ను తాజాగా విడుద‌ల చేసింది. ఈ సర్వేలో వైఎస్సార్ కాంగ్రెస్ పార్టీకు 50 శాతం ఓటు షేర్ లభిస్తే, టీడీపీ-జనసేన కూటమికి కిలిపి 42 శాతం ఓటు షేర్ దక్కింది. మరో 8 శాతం ఇతరులకు వెళ్లనుంది. ఇక ముఖ్యమంత్రి అభ్యర్దిగా సమర్ధులెవరనే ప్రశ్నకు,వైఎస్ జగన్ మోహ‌న్ రెడ్డికి 55 శాతం మద్దతు లభించింది. చంద్రబాబుకు మాత్రం 34 శాతం ఓకే చెప్పారు. ఇక జనసేన అధినేత పవన్ కళ్యాణ్‌కు 11 శాతమే లభించింది.

ఇక పాల‌న పై సంతృప్తి అంశం విష‌యానికి వ‌స్తే.. జ‌గ‌న్ ప్ర‌భుత్వ పాల‌న‌ చాలా బాగుంద‌ని 11 శాతం, బాగుంద‌ని 55 శాతం, రాష్ట్ర వ్యాప్తంగా మొత్తం 66 శాతం ప్ర‌జ‌లు సంతృప్తి వ్య‌క్తం చేశారు. మిగ‌తా 34 శాతంలో.. వైసీపీ ప్ర‌భుత్వ పాల‌న బాగ‌లేద‌ని 25 శాతం, అస్స‌లు బాగ‌లేద‌ని 9 శాతం ప్ర‌జలు అసంతృప్తి వ్య‌క్తం చేశారు. దీంతో మొత్తంగా చూసుకుంటే, ఏపీలో వైసీపీ ప్ర‌భుత్వం పాల‌పై మెజారిటీ ప్ర‌జ‌లు సంతృప్తిగానే ఉన్నారని, పోల్ స్ట్రాట‌జీ స‌ర్వే ఫ‌లితాలు వెల్ల‌డించాయి.

ఇక‌పోతే.. పోల్ స్టాట‌జీ గ్రూప్ సంస్థ గ‌తంలో చేసిన ప్రీ పోల్ స‌ర్వేలు, వంద‌కు వంద శాతం నిజం అయ్యాయి. తెలంగాణ‌లో మునుగోడు బై ఎల‌క్ష‌న్, క‌ర్నాట‌క అసెంబ్లీ ఎన్నిక‌ల ఫ‌లితాలు, ఈ స‌ర్వే సంస్థ అంచ‌నా వేసిన‌ట్లే వ‌చ్చాయి. అప్ప‌టి నుంచి పోల్ స్ట్రాట‌జీ గ్రూప్ స‌ర్వేల‌కు పాధ్యాన్య‌త ఏర్ప‌డింది. దీంతో ఇప్పుడు ఏపీ ఎల‌క్ష‌న్స్ నేప‌ధ్యంలో ఈ సంస్థ విడుద‌ల చేసిన ఫ‌లితాలు రాజ‌కీయ‌వ‌ర్గాల్లో హాట్ టాపిక్ అవుతున్నాయి. ముఖ్యంగా ఈ స‌ర్వే ఫ‌తితాలు ప్ర‌తిప‌క్ష పార్టీల్లో క‌ల‌క‌లం రేపుతుండ‌గా, అధికార‌ వైసీపీ పార్టీ శ్రేణుల్లో మాత్రం జోష్ పెంచింది. మ‌రి ఏపీలో వ‌చ్చే ఎన్నిక‌ల ఫ‌లితాలు ఎలా ఉంటాయో చూడాలి.

దీనికి సంబంధించి ట్విట్టర్ లో పోల్ స్ట్రాటజీ సంస్థ పెట్టిన పోస్ట్ లింక్ ఇది..
https://x.com/PollStrategy/status/1701827401670439102?s=20

#ApElections #YSRCP #TDP #ElectionSurvey #Janasena #YsJagan #PawanKalyan #ChandrababuNaidu #ApSurvey