AP Elections: టీడీపీ కుటిల రాజకీయం.. వలంటీర్లను అడ్డుకునేందుకు కుట్ర!

వలంటీర్లపై చంద్రబాబు కుట్ర మరోసారి బయటపడింది. ముందు నుంచి చంద్రబాబు వలంటీర్లకు తాము వ్యతిరేకం కాదంటూనే ఆ వ్యవస్థపై విమర్శలు చేస్తున్నారు. తాజాగా, ఎలక్షన్ కోడ్‌ను అడ్డం పెట్టుకొని వలంటీర్లను అడ్డుకునే ప్రయత్నం చేస్తున్నారు. ప్ర‌జ‌ల ఇంటి గుమ్మం ముందుకు అందించడానికి తీసుకొచ్చిన వలంటీర్లపై ఈసీకి ఫిర్యాదు చేయడంతో పేదలకు పెన్షన్‌ అందకుండా పోయింది. పేదవాడికి వచ్చే లబ్దితో కూడా టీడీపీ కుటిల రాజకీయం చేస్తోందని, పేదవాడి పొట్ట కొట్టడం ధర్మమేనా అంటూ వైసీపీ నేతలు ఆగ్రహం వ్యక్తం చేస్తున్నారు.

ALSO READ: వీ లవ్ జగన్.. సీఎంపై సరికొత్త సాంగ్‌ రిలీజ్

మేలు జరుగుతుందనే భయంతోనే..

ప్రభుత్వానికి, ప్రజలకు మధ్య అనుసంధానంలా వలంటీర్లు పనిచేస్తున్నారు. కానీ ఎన్నికల పేరుతో పెన్షన్ అందకుండా టీడీపీ ప్రయత్నిస్తుందని వైసీపీ నేతలు ఆరోపిస్తున్నారు. వలంటీర్ వ్యవస్థతో జగన్ మంచి పేరు తెచ్చుకున్నారని, ఈ వ్యవస్థపై చంద్రబాబు మొదటి నుంచి కక్ష్య పెంచుకున్నారని వైసీపీ నేతలు సజ్జల, బొత్స సత్యనారాయణ ఫైరయ్యారు. సిటిజన్ ఫర్ డెమోక్రసీ పేరుతో ఈసీ చర్యలు తీసుకుంటుందని, ఇందులో ఉండేది కూడా చంద్రబాబు మనుషులేనని అన్నారు. వలంటీర్ వ్యవస్థపై చంద్రబాబు పూటకోమాట మాట్లాడుతున్నారని, ప్రజలు చంద్రబాబును గమనించాలని సూచించారు.

ALSO READ: ప్రజలే స్టార్‌ క్యాంపెయిన­ర్లు.. విజయవంతంగా కొనసాగుతున్న ‘బస్సు యాత్ర’

టీడీపీ వస్తే పరిస్థితి ఏంటి?

టీడీపీ వలంటీర్లపై విషం కక్కడం విడ్డూరంగా ఉంది. వలంటీర్ వ్యవస్థ ప్రభుత్వంలో భాగం. ముఖ్యంగా సంక్షేమ పథకాల అమలులో కీలక పాత్ర పోషిస్తుంది. కానీ టీడీపీ మొదటినుంచి వలంటీర్ వ్యవస్థను రద్దు చేయాలని చూస్తోంది. గతంలో ఉన్న జన్మభూమి కమిటీని వెనక్కి తీసుకురావాలనే ఉద్ధేశంతోనే ఈసీకి ఫిర్యాదు చేసిందని వైసీపీ భావిస్తోంది. ఇక పవన్ కళ్యాణ్ అయితే ఏకంగా వలంటీర్లు మర్డర్లు, మానభంగాలు చేస్తున్నారంటూ చేసిన వ్యాఖ్యలు తెలిసిందే. ఈ నేపథ్యంలో రానున్న అసెంబ్లీ ఎన్నికల్లో టీడీపీ కూటమి ప్రభుత్వం ఏర్పడితే ఇక వలంటీర్ వ్యవస్థ గల్లంతైనట్లేనని, జన్మభూమి కమిటీలు ఏర్పాటు చేసి ప్రజలకు ఏ అవసరం వచ్చినా టీడీపీ కార్యకర్తలనే అడుక్కునే దుస్థితిని కల్పిస్తారని అందరూ చర్చించుకుంటున్నారు.