Pawan Kalyan: సేనాని, నూవు ఎప్పటికి రాజు అయ్యేది?

రాజకీయ నేతగా ఉన్న వ్యక్తి సమాజంలో హుందాగా వ్యవహరించాలి. సమాజంలో ప్రజలకు వచ్చే సమస్యలపై పోరాడుతూ అటు ప్రభుత్వానికి, ఇటు ప్రజలకు అనుకూలంగా ఉండే వ్యక్తి మంచి నేతగా ఎదుగుతాడు. గతంలో అలా పనిచేసే ఎందరో మహానాయకులయ్యారు.

కానీ ప్రస్తుత తరుణంలో సమాజాన్ని మార్చేస్తా, ప్రజలకు మంచి చేస్తా, అది చేస్తా.. ఇది చేస్తా అని చెప్పిన పవన్ కల్యాణ్ తీరును చూస్తే.. అసలు ఆయన ఏం చేస్తున్నాడా అనే సందేహం కలగక మానదు. స్కిల్ డెవలప్ మెంట్ స్కాంలో శనివారం చంద్రబాబును అరెస్టు చేశారనే విషయం తెలుసుకుని ఆగమేఘాల మీద హైదరాబాద్ నుంచి విజయవాడ వచ్చేందుకు విశ్వప్రయత్నాలు చేశారు. ముందుగా స్పెషల్ ఫ్లైట్ మాట్లాడుకుని రావాలని చూడగా.. ప్రజలకు, శాంతి భద్రతలకు విఘాతం కలుగుతుందని ఆలోచించి పోలీసులు అనుమతి నిరాకరించారు.

కానీ ఆయన రోడ్డు మార్గంలో విజయవాడ వచ్చేందుకు యత్నించగా మధ్యలో అడ్డుకున్నారు. చివరికు కాలినడకనైనా విజయవాడ వెళ్లాలని పవన్ చేసిన ప్రయత్నాలను చూసిన ప్రజలు నోరెళ్లబెట్టారు. చంద్రాబాబును చూసేందుకు ఎందుకు ఇంతలా ఆరాటపడుతున్నారని ఆశ్చర్యం వ్యక్తం చేశారు.

2014లో జనసేన పార్టీని స్థాపించిన పవన్ ఆ పర్యాయం ఎన్నికల్లో పోటీ చేయకుండా టీడీపీకి మద్దుతు ప్రకటించారు. ఆ తర్వాత జరిగిన ఏ పరిణామాలకు పవన్ స్పందించలేదు. ఉదా: 2015లో గోదావరి పుష్కరాలకు రాజమండ్రిలో 29 మంది ప్రాణాలు కోల్పోయినా.. 2016లో కాపు రిజర్వేషన్ల కోసం మాజీ మంత్రి, కాపు నేత ముద్రగడ పద్మనాభం నిరసన చేసినా.. పవన్ కనీసం స్పందించలేదు. తన కన్నతల్లిపై టిడిపి, ఎల్లోమీడియా కామెంట్స్ చేసినా పవన్ నోరు మెదపలేదు. 2018లో అప్పటి టీడీపీ ప్రభుత్వం, చంద్రబాబు, లోకేష్ అంతా అవినీతి పరులని విమర్శించిన పవన్.. ఇప్పుడు అదే స్కాంలో బయటపడితే ఎందుకు సమర్ధిస్తున్నారు. అనేది రాజకీయ విశ్లేషకుల అభిప్రాయం.

ఏదైనా ఒ రాజకీయ నాయకుడిపై వచ్చిన అవినీతి ఆరోపణలపై నిజానిజాలు తెలుసుకుని.. అందుకు తగినట్టుగా హుందాగా వ్యవహరిస్తే పవన్ తన రాజకీయ భవిష్యత్తు బాగుంటుంది. అలాంటిది అవినీతికి పాల్పడ్డారని తెలిసినా ఒక ప్రతిపక్ష నేతను సపోర్ట్ చేస్తుండటంపై సొంత సామాజిక వర్గంలోనే పవన్ ను విమర్శిస్తున్నారు. ఇప్పటికైనా పవన్ రాజకీయంగా ఎదిగేందుకు దీనిని ఒక అవకాశం వాడుకుంటే మంచిదని పలువురు విశ్లేషకులు అంటున్నారు.

2019లో తానేదో సాధిస్తానని ఒంటిరిగా పోటీచేసి ఎన్నికలకు వెళ్లిన పవన్ కేవలం 6 శాతం ఓట్లను మాత్రమే రాబట్టారు. అంతేకాదు ఆయన పోటీచేసిన భీమవరం, గాజువాక స్థానాల్లో కూడా ఓడిపోయారు. దీనిబట్టి చూస్తే పవన్ ప్రజలు నమ్మలేదని తెలిసిపోయింది. ఈసారి 2024 ఎన్నికల్లో ఆ మాత్రం ఓట్లు కూడా వస్తాయో.. రావో.. అనేది చూడాలి. అది ఇప్పటి నుంచైనా పవన్ అనుసరించే విధానంపై ఆధారపడి ఉంటుంది.