CM Jagan: “మీకు మంచి జరిగితేనే.. నాకు ఓటేయండి”

వైఎస్ఆర్ వాహన మిత్ర పథకంలో భాగంగా ఆటో, ట్యాక్సీ డ్రైవర్లకు నగదును జమ చేసేందుకు గాను.. సీఎం వైఎస్ జగన్ నేడు విజయవాడలో పర్యటించారు. లబ్ధిదారుల ఖాతాల్లో నగదు జమచేసిన అనంతరం బహిరంగ సభలో సీఎం మాట్లాడిన మాటలు.. రాష్ట్ర ప్రజలను ఆలోచింపచేస్తున్నాయి.

రాష్ట్రంలో ప్రతి ఒక్కరికీ సంక్షేమ పథకాలు అందిస్తున్నామని.. మీ ఇంట్లో మంచి జరుగుతుందో లేదో ప్రజలంతా ప్రామాణికంగా తీసుకోవాలని కోరారు. ప్రస్తుతం పెత్తందారులకు- పేదల ప్రభుత్వానికి మధ్య యుద్ధం జరుగుతోందని.. మీరంతా మీ బిడ్డ వెంట ఉండి.. మీకు ప్రభుత్వం తరుపున మంచి జరిగితేనే.. తనకు ఓటేయాలని పేర్కొన్నారు.

రాష్ట్రంలో మంచి చేసే ప్రభుత్వానికి- సమాజాన్ని దోచుకునే పార్టీల మధ్య త్వరలో పోరు జరుగుతోందని, ఎన్నికల్లో ఇచ్చిన హామీలను ఇప్పటికే 98 శాతం నేరవేర్చామని గుర్తుచేశారు. పథకాల అమల్లో ఎలాంటి అవినీతి జరగకుండా నేరుగా లబ్ధిదారుల ఖాతాల్లో నగదు జమ చేస్తున్నామని.. రాష్ట్రంలోని ప్రజల సంక్షేమమే తనకు ముఖ్యమని సీఎం జగన్ పేర్కొన్నారు.

విద్యార్థులకు ప్రభుత్వ పాఠశాలల్లో ఉచితంగా ఇంగ్లీషు మీడియం విద్యను అందిస్తున్నామని, పేద విద్యార్థులంతా బాగా చదువుకుంటే రాష్ట్రం అభివృద్ధి చేందుతుందని ఆంకాంక్షించారు. రాష్ట్రంలో పేద అక్కాచెల్లెల్లకు 30 లక్షల 76 వేల ఇళ్ల పట్టాలను అందించటమే కాకుండా, వారికి ప్రభుత్వమే ఇళ్లు నిర్మించి ఇస్తోందని వివరించారు.

ప్రస్తుతం ముఖ్యమంత్రి వ్యాఖ్యలు ఏపీ రాష్ట్ర ప్రజలు చర్చించుకుంటున్నారు. దేశంలో ఏ రాష్ట్ర ముఖ్యమంత్రి ఇంత పారదర్శకంగా పథకాల అమలు చేయటంలేదని, అలాగే గత ప్రభుత్వ హయాంలో ఇదే బడ్జెట్ లో పేదలకు, బడుగు, బలహీన వర్గాలకు ఎలాంటి న్యాయం చేయలేదని.. పైగా స్కాంల పేరుతో కోట్లు నొక్కేశారని అనుకుంటున్నారు. ఇంత మంచి సంక్షేమ పథకాలను అమలు చేస్తున్న సీఎం వైఎస్ జగన్, వైసిపి ప్రభుత్వాన్నే మరోసారి ఎన్నుకునేందుకు ఓటర్లు సముఖంగా ఉన్నట్టు రాజకీయ విశ్లేషకులు అంచనా వేస్తున్నారు.