Taapsee: సీక్రెట్‌గా పెళ్లి చేసుకున్న హీరోయిన్ తాప్సీ?

ప్రముఖ హీరోయిన్ తాప్సీ సీక్రెట్‌గా పెళ్లి చేసుకుందంటూ సోషల్ మీడియాలో వార్తలు వస్తున్నాయి. మథియాస్ బో అనే బ్యాడ్మింటన్ ప్లేయర్‌తో ఈ ముద్దుగుమ్మ గత కొన్నేళ్లుగా ప్రేమలో ఉన్న విషయం తెలిసిందే. ఇండియన్ బ్యాడ్మింటన్ లీగ్‌ (2013)లో ఆడేందుకు మథియాస్ భారతదేశానికి వచ్చినప్పుడు, తాప్సీ మథియాస్ బోను కలుసుకుంది. ఆ పరిచయం కాస్త ప్రేమగా మారింది.

ALSO READ: మాయ చేస్తున్న ఓం భీం బుష్.. కలెక్షన్ల వసూళ్లు

10 ఏళ్లకు పైగా డేటింగ్ చేసిన ఈ జంట ఇప్పుడు సైలెంట్‌గా పెళ్లి చేసుకున్నట్లు తెలుస్తోంది. అయితే ఈ వార్త ఆలస్యంగా వెలుగులోకి వచ్చింది. వీరి వివాహం మార్చి 23న రాజస్థాన్‌లోని ఉదయ్‌పూర్‌లో జరిగినట్లు సమాచారం. అయితే, ఈ వివాహానికి తాప్సీ ఎవరినీ ఆహ్వానించలేదట. తాప్సీ తమ వివాహాన్ని ప్రైవేట్‌గా చేసుకోవాలని ప్లాన్ చేసిందని, అందుకే సెలబ్రిటీలను ఆహ్వానించలేదని అంటున్నారు. ఆమె సన్నిహితులు, బంధువులు మాత్రమే హాజరయ్యారు. అలాగే పెళ్లికి వచ్చిన వారి ఫొటోలు తీసి ప్రచురించకూడదని షరతు విధించినట్లు సమాచారం.